Ziara ya Katibu Tawala Wilaya ya Njombe kukagua Miradi ya Boost.

Tarehe iliyowekwa: June 28th, 2023

Katibu tawala wilaya ya Njombe Agatha Mhaiki Juni 27,2023 akiwa na kamati ya ulinzi na usalama wilaya pamoja na wataalamu wa halmashauri ya mji Njombe amefanya ziara kukagua maendeleo ya utekelezaji wa miradi ya Boost katika Halmashauri ya Mji Njombe.

Katibu tawala Agatha amesema ameridhishwa na kasi ya ujenzi kwenye kila eneo la mradi akisisitiza  ushirikiano na kuongeza kasi katika hatua ya kumalizia ili mradi uweze kukabidhiwa kwa wakati na katika ubora unaohitajika.

Halmashauri ya Mji Njombe ilipatiwa fedha kutoka serikali kuu kiasi cha shilingi Milioni 815,600,000/= kupitia mradi wa Boost kwa ajili ya ujenzi na uboreshaji wa miundombinu kwenye shule za msingi na awali zilizopo kata ya Yakobi,iwungilo,uwemba,Ramadhani ,Mjimwema ,Njiombe mjini na kata ya Matola