Mkuu wa Wilaya ya Njombe awatoa hofu Watumishi.Awataka kumuenzi Hayati Dkt. John Pombe Magufuli kwa kufanya kazi kwa uzalendo,ujasiri na uthubutu

Tarehe iliyowekwa: April 1st, 2021

Mkuu wa Wilaya ya Njombe Bi Ruth Msafiri leo amehitimisha ziara ya kutembelea Wilaya ya Njombe yenye Halmashauri tatu ambapo amezungumza na Watumishi na kuwatoa hofu mara baada ya Taifa kumpoteza aliyekuwa Rais wa Jamhuri ya Muungano wa Tanzania Hayati Dkt John Pombe Magufuli.

Katika kikao kazi hicho kilichoanza kwa kufanya mazungumzo na Watumishi wa Halmashauri ya Mji Makambako na Wilaya ya Njombe na leo kuhitimisha na Watumishi wa Halmashauri ya Mji Njombe Mkuu huyo wa Wilaya amesema kuwa hakuna haja ya jamii kuendelea kutiana hofu na kuwapo na ombwe kwenye utekelzaji wa miradi na shughuli za maendeleo kwani Hayati Magufuli ameacha Serikali ambayo ni imara kila mtumishi kwenye nafasi yake hana budi kufanya kazi kwa bidii ili kufanikisha adhma ya Hayati Dkt. Magufuli iliyolenga kuhakikisha kuwa Taifa la Tanzania linakwenda mbele.