Mkurugenzi wa huduma za Afya lishe na Ustawi wa Jamii kutoka Ofisi ya Rais Tawala za Mikoa na Serikali za Mitaa (TAMISEMI) Dkt.Rashidi Mfaume Julai 1,2024 wakati wa Ziara ya ukaguzi wa huduma za Afya katika Halmashauri ya Mji Njombe ,ametoa pongezi kwa hospitali ya Mji wa Njombe(Kibena) kwa kuwa na kitengo cha mfano cha kuhudumia watoto wanaozaliwa na uzito pungufu (Njiti) pamoja na usimamizi mzuri wa usafi wa mazingira uliowezesha hospitali hiyo kushika nafasi ya pili kwenye tuzo za usafi wa mazingira mwaka 2023.
Kiongozi wa Mbio za Mwenge wa Uhuru kitaifa Ndg.Godfrey Mnzava ameagiza kuendelea kutolewa kwa elimu kuelekea uchaguzi wa Serikali za mitaa ili wananchi wachague viongozi sahihi.
Ametoa maagizo hayo Tarehe 17,2024 wakati akizindua wimbo wa kutoa elimu na kuhamasisha uchaguzi wa Serikali za mitaa ulioandaliwa na kwaya ya REDEMED GOSPEL CHURCH pamoja nakuwapatia cheti kwaya hiyo iliyopo Mjini Njombe.
"Wananchi wakipata elimu itasaidia kujua ni kiongozi wa namna gani wanamtaka na watamchagua kwa sifa zile wanazoziona," amesema Mnzava,Kiongozi wa Mbio za Mwenge wa Uhuru kitaifa mwaka 2024.
Mbio za Mwenge wa uhuru kitaifa katika Halmashauri ya mji zimemamilizika kwa wakimbiza mwenge kuridhia na kuzindua miradi 3 na kukagua miradi 3 yenye thamani ya zaidi ya shilingi bilioni 2,173,596,859.00.
